Epektibidad ng Interaktibong Larong Edukasyonal sa Pagpapalakas ng Kasanayan sa Pagbasa sa Filipino ng mga mag-aaral sa Baitang 3

AUTHOR(S)

JULIACRIS V. ROSAURO

ABSTRACT

— Ang pag-aaral na ito ay sinuri ang epektibidad ng interaktibong larong edukasyonal sa pagpapalakas ng kasanayan sa pagbasa sa Filipino ng mga mag-aaral sa Baitang 3 sa Catmon Elementary School sa Dibisyon ng Ormoc. Ang mga resulta ng pag-aaral ay naging batayan para sa isang plano ng pagpapabuti. Ang ginamit na disenyo sa pananaliksik ay ang quasi-experimental design na itinuring na pinakamainam na disenyo ng pananaliksik. Sa ganitong disenyo, hinati ang mga estudyante sa dalawang grupo na experimental group na gumamit ng interaktibong larong edukasyonal. Sa pamamagitan ng pagtukoy sa pagkakaiba ng kanilang pagkatuto sa pagbasa bago at pagkatapos ng interbensyon, nakita ang epekto ng mga larong ito sa kanilang kasanayan. Ang ganitong disenyo ay nagbigay-daan upang masukat ang epekto ng isang tiyak na interbensyon sa isang kontroladong kapaligiran. Isang mahalagang aspeto ng quasiexperimental design ay ang pagkuha ng baseline data bago ang interbensyon. Nagsagawa ng paunang pagsusulit sa kakayahan sa pagbasa ng mga estudyante upang magkaroon ng baseline na datos. Pagkatapos ng interbensyon, isinagawa ang pangalawang pagsusulit upang malaman ang pagbabago sa kanilang kakayahan. Ang pagkakaroon ng pre-test at post-test ay naging mahalaga upang maipakita ang mga resulta ng pag-aaral at makapagbigay ng konkretong ebidensya sa bisa ng mga interaktibong laro sa kanilang pagkatuto. Ang ganitong diskarte ay nakatulong din sa pagtukoy ng mga posibleng salik na nakakaapekto sa mga resulta, tulad ng antas ng partisipasyon ng mga mag-aaral sa mga laro. Ang Talahanayan 3 ay nagpapakita ng pagsusuri ng kaibahan ng mga marka sa pre-test at post-test sa mga mag-aaral sa Baitang 3 sa asignaturang Filipino. Ayon sa talahanayan, ang computed t-value na 6.03 ay mas mataas kaysa sa critical t-value kaya ang null hypothesis (Ho) ay tinanggihan. Ang pinal na interpretasyon ng resulta ay nagpapakita ng isang makabuluhang kaibahan sa mga marka ng pre-test at post-test, na nagsasaad na may positibong epekto ang interaktibong larong edukasyonal sa pagpapalakas ng kasanayan sa pagbasa ng mga mag-aaral sa Filipino. Sa pagsusuri ng resulta, malinaw na ang mga mag-aaral ay nakaranas ng makabuluhang pagpapabuti sa kanilang mga kasanayan sa pagbasa sa Filipino pagkatapos ng interbensyon. Ang mga resulta ng post-test ay nagpapakita ng mataas na marka, mula sa pre-test na umaabot sa post-test, na isang malaking hakbang sa pagpapabuti ng kanilang kasanayan. Ang computed t-value ay malayo sa critical t-value, na nagpapakita ng malaking pagkakaiba ng mga resulta ng dalawang pagsusulit, na nagbibigay ng ebidensya sa bisa ng mga interaktibong laro sa pag-enhance ng kasanayan sa pagbasa ng mga mag-aaral. Ang mga resulta sa Talahanayan 3 ay nagpapahiwatig na ang paggamit ng interaktibong larong edukasyonal ay may makabuluhang epekto sa pagpapabuti ng kasanayan sa pagbasa ng mga mag-aaral sa Filipino. Ang malaking kaibahan sa pre-test at posttest scores ay nagpapatunay na ang mga mag-aaral na sumailalim sa interbensyon ay nakakaranas ng mas mataas na antas ng kasanayan sa pagbasa. Kaya, ang mga mag-aaral na unang nagpakita ng katamtamang antas ng kasanayan sa pagbasa ay naging mas bihasa at epektibo sa pag-unawa ng mga teksto at sa kanilang mga kasanayan sa pagbasa sa Filipino pagkatapos ng interbensyon. Keywords — Epektibidad Interaktibong Larong Edukasyunal Kasanayan sa pagbasa Baitang 3